नेकपा (माओवादी केन्द्र) विदुर नगर कमिटीको अध्यक्षमा प्रभा बोगटी निर्वाचित भएकी छन् ।
शनिवार भएको दोस्रो सम्मेलनबाट बोगटी नुवाकोटको विदुर नगरपालिकास्तरीय कमिटीको अध्यक्ष निर्वाचित बनेकी हुन् । लामो समय पत्रकारिता गरेकी प्रभा माओवादीका पूर्व महासचिव स्व. पोष्टबहादुर बोगटीकी छोरी हुन् ।
प्रभालाई माओवादी केन्द्रका अध्यक्ष पुष्पकमल दाहाल प्रचण्डले फोन गरेर बधाई दिएका छन् । माओवादी आन्दोलनमा लागेका बोगटीको परिवारका सदस्य सुरक्षाकर्मीबाट मारिएका थिए । शनिवार भएको सम्मेलनबाट धेरै युवा नेतृत्वमा आएका छन् ।