भारतमा थप ७१ हजार कोरोना संक्रमित, १ हजार २०० जनाको मृत्यु

माघ २६, नयाँदिल्ली । भारतमा कोरोनाभाइरसका कारण पछिल्लो एक दिनमा थप ७१ हजारभन्दा बढी संक्रमित भएका छन् । सरकारी अधिकारीहरुले दिएको जानकारीअनुसार गत २४ घण्टामा ७१ हजार ३५६ जना नयाँ संक्रमित भएका हुन् । संघीय स्वास्थ्य मन्त्रालयले सोही अवधिमा अरु १ हजार २१७ जनाको मृत्यु भएको बताएको छ । यससँगै भारतमा अहिलेसम्म कुल मृतकको संख्या ५ लाख ५ हजार २७९ पुगेको छ ।  नयाँ संक्रमिततहरुको संख्या निक्कै कम हुँदै गएपछि अहिले भारतमा संक्रमित अवस्थामै रहेकाहरुको संख्या८ लाख ९२ हजार ८२८ पुगेको छ ।  सोही अवधिमा १ लाख ७२ हजार २११ जना कोरोनाभाइरसबाट संक्रमणमुक्त भएका छन् । यससँगै अहिलेसम्म संक्रमणमुक्त भएकाहरुको कुल संख्या ४ करोड १० लाख १२ हजार ८६९ पुगेको छ । रासस/ एएनआई