काठमाडौँ , साउन ८ । पहिलो चरणको स्थानीय निर्वाचनमा राम्रो मत पाउन सफल नयाँ पार्टीहरु विवेकशील र साझा पार्टीवीच एकता हुने भएको छ ।
दुवै पार्टीलाई नेतृत्व गरिरहेका विवेकशील नेपाली दलका उज्वल थापा र साझा पार्टीका रवीन्द्र मिश्रबीच भएको एकता वार्ता सकारात्मक भएकोले एकता हुने सम्भावना देखिएको छ ।
विवेकशील नेपाली दल र साझा पार्टीको नाम मिसाएर ‘विवेकशील साझा पार्टी’ नाम राख्ने सम्भावना रहेको दुवै पार्टीका प्रवक्ताले जानकारी दिएका छन् । भने निर्वाचन आयोगमा दर्ता भइसकेकाले चुनाव चिन्ह र साझा नेतृत्व मिलाउन व्यस्थ रहेको बताइएको छ ।