रौतहट। तराई मधेशको राजनीतिमा महिलाको सहभागिता कानुनत वाध्यकारी व्यवस्थालाई पालना गर्न मात्र हुन्छ भन्ने मान्यतालाई यो पटक रौतहटको राजनीतिले परिवर्तन गरेको छ। स्थानिय तहको चुनावमा राजनीतिक दलहरुले उमेद्वार बनाउँदा प्रमुख र उपप्रमुख मध्ये एक पुरुष हुँदा एक महिला गर्नुपर्ने वाध्यकारी व्यवस्थाबीच लगभग सबै ठाउँमा प्रमुखमा पुरुष र उपप्रमुखमा महिलालाई उमेद्वार बनाइयो । दुई चरणका स्थानिय चुनावमा केहि औंलामा गन्न सकिने स्थानमा मात्र महिलालाई प्रमुखमा उमेद्वार बनाइयो। कतिपयले जीत्ने स्थानमा उमेद्वारी पाए पनि धेरै स्थानमा प्रमुखमा उमेद्वारी पाएका महिलाहरु पराजीत भए।