कारोना भाइरस रोकथाम तथा नियन्त्रणका लागि सरकारले चैत ११ गतेदेखि लकडाउन गरेसँगै सार्वजनिक सवारी बन्द छन् । सवारी बन्द गरेसँगै करिब साढे ४ लाख सार्वजनिक सवारी ग्यारेजमा थन्किएर बसेको र करिब १० लाख प्रत्यक्ष रोजगारीका साथै ५० लाख आश्रित परिवार संकटमा परेको यातायात व्यवसायीले बताउँदै आएका छन् । करिब १० अर्ब रुपैयाँ लगानी रहेको यो क्षेत्र संकटमा पर्दै गएको पेशा व्यवसाय अंगाल्दै आएका सकरोकारवाला निकायले बताएका छन् । सार्वजनिक सवारी साधन लाइफलाइन भएकाले सरकारले चाँडै स्वास्थ्य सजगता अपनाएर सञ्चालनमा जोड दिनुपर्ने यातायात व्यवसायीले बताउँदै आएका छन् । यता उपभोक्ता अधिकारकर्मीले भने कोरोना संक्रमित दिनदिनै थपिँदै गएकाले सार्वजनिक सवारी सञ्चालन गरे अझ भयावह अवस्था आउने बताउँदै तत्काल सञचालन नगर्न जोड दिएका छन् ।
