सरकारले ५० वर्ष भन्दा माथि उमेर समुहका नागरिकहरुको मृगौला, कलेजो, मुट लगायत अन्य रोगसम्वन्धी परिक्षणहरु निशुल्क गर्ने निर्णय गरेको छ । बिहिबार बसेको मन्त्रिपरिषद्को बैठकले ५० वर्ष भन्दा माथि उमेर समुहका नागरिकहरुको लागि यस्तो परिक्षण नियमित रुपमा वर्षको एकपटक निशुल्क रुपमा गर्ने निर्णय गरेको छ । यसको लागि स्वास्थ्य मन्त्रालयले प्रस्ताव अघि सारेको थियो । त्यस्तै बैठकले जेष्ठ नागरिक अस्पताल निर्माण गर्न स्वास्थ्य मन्त्रालयले राखेको प्रस्तावलाइृ समेत स्विकृत गरेको छ । सो अस्पताल निर्माणका लागि मन्त्रालयले एक कार्यदल मार्फत काम अघि बढाइसकेको छ । मृत्यु पश्चात आफ्नो शरीरको अंगदान घोषणा गरेका स्वास्थ्य तथा जनसंख्या मन्त्री विरोध खतिवडाको प्रस्तावमा सरकारका सबै मन्त्रीहरुले पनि मृत्यु पश्चात आफ्नो शरीरको अंगदान गर्ने घोषणा गरेका छन् । स्वास्थ्य सेवा दिवस २०७८ को अवसर पारी मन्त्री खतिवडाले यस्तो घोषणा गरेका थिए । मन्त्रीलाई साथ दिँदै मुख्य सचिव शंकरदाश बैरागीले पनि अंगदान गर्ने घोषणा गरेको मन्त्री खतिवडाको सचिवालयले जनाएको छ ।
