सरकारलाई दिएको समर्थनबारे निर्णय लिन सुदूरपश्चिम प्रदेश सभामा एमाले संसदीय दलको बैठक शुरू भएको छ ।
संसदीय दलको कार्यालय धनगढीमा दलको बैठक बसिरहेको छ ।
नेकपा एमाले स्थायी कमिटीको सोमवार बसेको बैठकले प्रदेश सरकारलाई दिएको समर्थन फिर्ता लिने निर्णय गरेको थियो । केन्द्रको निर्णयबारे छलफल गर्न संसदीय दलको बैठक बसिरहेको एक सांसदले जानकारी दिए ।
५२ सदस्य रहेको सुदूरपश्चिम प्रदेश सभामा नेकपा एमालेका २५ जना सांसद छन् । सभामुखबाहेक २४ जना सांसदमध्ये अधिकांश माधवकुमार नेपाल पक्षका छन् ।
माधव नेपाल पक्षले आफ...
