नेकपा (माओवादी केन्द्र)ले बाढीपहिरो पीडितलाई ५ लाख क्षतिपूर्ति दिन सरकारसँग माग गरेको छ । पार्टी अध्यक्ष पुष्पकमल दाहालको निवास लाजिम्पाटमा मंगलबार बसेको केन्द्रीय कार्यालय बैठकले प्राकृतिक विपत्तिमा परेकालाई तत्काल राहत उपलब्ध गराउन र उचित बसोबासको व्यवस्था मिलाउन माग गर्ने निर्णय गरिएको प्रवक्ता भूसालले जानकारी दिइन् । उनका अनुसार तत्कालीन राहत रु एक लाख, मृतक परिवारलाई रु तीन लाख र क्षतिपूर्ति तथा पुनःस्थापनाका लागि पीडितलाई रु पाँच लाख उपलब्ध गराउन माग गर्ने निर्णय भएको छ ।
