नेकपा (एकीकृत समाजवादी) का केन्द्रीय सदस्य तथा प्रदेश १ का सांसद राजेन्द्रकुमार राईले नवनियुक्त मुख्यमन्त्री भीमप्रसाद आचार्य नेतृत्वको सरकारले भदौ महिना काट्न नसक्ने बताएका छन् । विराटनगरमा आइतबार सञ्चारकर्मीसँग कुराकानी गर्दै राईले यही महिनाभित्र गठबन्धनको सरकार बन्ने बताए । ‘प्रदेश १ का १० सांसद एकीकृत समाजवादीमा संगठित भएका छौं,’ उनले भने, ‘प्रदेश सांसदको संख्या १५ पुर्याउँछौं ।’
