काठमाडौं। आज सेयर बजार परिसूचक १५ अंकले बढेको दिन नेपाल स्टक एक्सचेञ्ज (नेप्से)मा तीन कम्पनीको सेयर मूल्यमा सकरात्मक सर्किट लागेको छ। आज नारायणी विकास बैंक, मल्टीप्रपोज फाइनान्स र चन्द्रागिरी हिल्स लिमिटेडको सेयर मूल्यमा सर्किट लागेको हो। मूल्यमा १० प्रतिशतको वृद्धिसँगै नारायणीको सेयर मूल्य प्रतिकित्ता ८०३ रुपैयाँ, मल्टीप्रपोजको मूल्य प्रतिकित्ता ५३४ र चन्द्रागिरीको प्रतिकित्ता १६ सय ३७ रुपैयाँ पुगेको छ।
