वैशाख ६, काठमाडौं । भारतले विस्फोटक सामग्रीको निर्यातमा लगाएको प्रतिबन्ध हटाएको छ ।
नेपालमा विस्फोटक सामग्री सडक, जलविद्युत् तथा सुरुङ निर्माणका आयोजनामा प्रयोग हुने गरेको छ । नेपालमा ठूला चट्टान तथा पहाड फोर्नका लागि विस्फोटक पदार्थ आयात हुँदै आएकोमा त्यस्ता आयोजनाहरुको काम प्रभावित हुने समाचारहरु सार्वजनिक भएलगत्तै भारत सरकारअन्तर्गतको पेट्रोलियम तथा विस्फोटक सुरक्षा संगठनले प्रतिबन्ध हटाएको हो ।
उसले गत बुधवार भने सम्बन्धित निकायहरुलाई पत्राचार गर्दै विस्फोटक सामग्रीको निर्यातमा रोक लगाउन भनेको थियो । साथै उसले सबै उत्पादक तथा निर्यातकर्ताहरुलाई ‘क्लास–२ एक्सप्लोसिभ’ अर्को निर्देशन जारी नभएसम्मका लागि निर्यात गर्न बन्देज लगाइएको थियो ।
हेर्नुस् सूचना :
