शाओमी, ग्लोबल टेक्नोलोजी लीडरले आज आफ्नो पहिलो ५० एमपीको स्मार्टफोन रेडमी १० प्राइम को साथमा रेडमी इयरबड्स ३ प्रो नेपालमा लन्च गरेको छ । अपेक्षा गरेको भन्दा बढी प्रदर्शन प्रदान गर्ने रेडमी १० प्राइम मिडियाटेक हेलियो जी ८८ चिपसेटको साथ बजारमा भित्रिएको छ । यसले प्रभावशाली ९० हट्र्जको ६.५ इन्चको एफएचडी + एडप्टिभ सिन्क डिस्प्लेको प्रस्तुत गर्दछ । पातलो डिजाइनको साथमा यो शक्तिशाली ६००० एमएएचको दुई दिने ब्याट्रीको साथ उपलब्ध छ । यो उपकरण मेमोरी एक्सटेन्सन सुविधाको साथ उपलब्ध छ जसले प्रयोगकर्ताहरुलाई अस्थायी रूपमा २ जीबी सम्मको र्याम उनीहरुको स्मार्टफोन स्टोरेजमा स्टोर गर्न मदं्दत गर्दछ र सहज कार्यक्षमता र वृद्धि प्रदर्शन को सुविधा प्रस्तुत गर्दछ । शक्ति र रचनात्मकतालाई ध्यानमा राखेर डिजाइन गरीएको यो उपकरणले कन्टेन्ट व्रिmएटर, स्ट्रिमिंग गर्ने उत्साहीहरु, विद्यार्थीहरु, र मोबाइल गेमरहरु सबैको लागी एक उच्च अनुभव प्रदान गर्दछ ।लन्चको बारेमा टिप्पणी गर्दै शाओमी नेपालका कन्ट्री जनरल म्यानेजर सौरभ कोठारीले भने, “विगत सात बर्षदेखि रेडमीले लगातार प्रवृक्तिहरु सेट गरी रहेको छ र आफ्नो स्मार्टफोनको साथमा उद्योगको बेन्चमार्कलाई पार गरेको छ । रेडमी प्रति रहेको ग्राहकहरुको विश्वासले टीमलाई इनोभेसनको मामिलामा उच्च मापदण्ड सेट गर्न सहयोग पुर्याएको छ र रेडमी सिरिजलाई देशकै सबैभन्दा धेरै बिक्री हुने स्मार्टफोन सिरिज मध्येको एक हुन सफल बनाएको छ । रेडमी १० प्राइमको लन्च संगै, हामीले अल–राउन्ड सुपरस्टार ल्याइ रहेका छौं जसले प्रयोगकर्ताहरुको लागि क्यामेरामा ल्याइएको सुधार, उच्च रिजोलुशन डिस्प्ले, उच्च प्रदर्शन, र पावर प्याक ब्याट्री लाइफ सुधारका साथ रेडमी नोट १० सिरिज र रेडमी सिरिजलाई साथ ल्याउन गर्न मद्दत गर्दछ । रेडमीले हरेक कन्टेन्ट व्रिmएटरहरुलाई नयाँ टेक्नोलोजीसँग पहुँचयोग्य बनाउने प्रतिज्ञा पूरा गर्दै, रेडमी १० प्राइम मुख्यधाराको उपकरण क्षेत्रमा एक कदम अगाडी रहेको छ ।”रेडमी १० प्राइम५०मेगापिक्सेलको एआई क्वाड क्यामेरा सेटअपको साथ फोटोग्राफीलाई अझै उच्च स्तरमा लैजादैरेडमी १० प्राइमले ५० मेगापिक्सेल अल्ट्रा हाई रिजोलुसनको मेन क्यामेरालाई प्रस्तुत गर्दछ जसले तारकीय विवरण सहित अद्भुत कन्टेन्टलाई कैद गर्दछ । ८ मेगापिक्सेलको अल्ट्रा वाइड क्यामेरा, २ मेगापिक्सेलको म्याक्रो क्यामेरा र २ मेगापिक्सेलको डेप्थ सेन्सरको साथ रेडमी १० प्राइमले प्रयोगकर्ताहरुलाई सबै पल कैद गर्नको लागि स्वतन्त्रता प्रदान गर्दछ । नाइट मोड वा प्रो कलर मोडका साथ प्रयोगकर्ताहरुले ब्राइटनेसलाई बढाउन सक्नुहुन्छ र फोटोलाई अधिक रंगीन बनाउनको लागी थोरै स्याचुरेसनलाई बढाउन सक्नुहुन्छ । प्रयोगकर्ताहरुलाई प्यानरोमा सेल्फी÷ग्रुपिज लिन को लागी र साथीहरु तथा परिवारहरुसंग यादगार पल कैद गर्न को लागी सोही फिचरहरुको उपयोग गर्दै, रेड मी १० प्राइम ८ मेगापिक्सेलको सेल्फी क्यामेराको साथ उपलब्ध छ ।विभिन्न क्यामेराको फिचरहरुसँग भिडियोलाई कैद गरी रचनात्मकता प्रदान गर्ने र डुअल माइकका साथ राम्रो अडियो रेकर्डिँग गर्ने, रेडमी १० प्राइम एक कन्टेन्ट व्रिmएटरको लागि स्वर्ग नै हो । यो उपकरणले फोटोग्राफी र भिडियो शटहरुमा फ्लेयर जोड्ने स्टाइलिश फिल्टरहरुको सूटलाई प्याक गर्दछ। इमेज प्रोसेसिंगलाई थुप्रै रोचक सुविधाहरु जस्तै पोर्ट्रेट मोड फिल्टरका साथ अझ इन्हान्स्ड गरिएको छ । यो मोडका सांथ, प्रयोगकर्ताहरुले मात्र दुई चरण मा आश्चर्यजनक पोर्ट्रेट फोटोहरु क्लिक गर्न सक्नुहुन्छ जसले ग्यालरीमा स्टाइलिश फिल्टरलाई जोड्दछ । कन्टेन्ट व्रिmएटररहरुलाई इमेजको विभिन्न पक्षहरु अन्वेषण गर्न र त्यही अनुसार व्रmप, ब्युटिफाइ, इमेजको सेटिंगलाई मिलाउन, यो एक इन–बिल्ट एडिटरका साथ उपलब्ध रहेको छ । विभिन्न अन्य सुविधाहरु जस्तै स्काई मोड,कलाईडस्कोप मोड, सर्ट भिडियो फिल्टर मोडका साथ, प्रयोगकर्ताहरुले आफ्नो सौन्दर्यशास्त्रको सम्पूर्ण सेट परिवर्तन गर्न र रंगहरुलाई बढाउन वा आवश्यकता अनुसार उनीहरुलाई टोन गर्न सक्नेछन् ।९० हट्र्जको रिफ्रेस रेट एडप्टिभ सिन्क टेक्नोलोजीलाई प्रस्तुत गर्दै आफ्नो सेग्मेन्मा टप–अफ–द लाइन कन्टेन्डर रहेको रेडमी १० प्राइममा एक ठूलो ६.५ इन्चको फुल एचडी+ डिस्प्ले रहेको छ जसले सिमलेस स्व्रmोलिंग र आँखालाई मोहित बनाउने दृश्य प्रदान गर्नको लागि ९०हट्र्जको रिफ्रेस रेट प्रस्तुत गर्दछ । एडप्टिभ सिन्क टेक्नोलोजी सँग जोडीएको, रेडमी १० प्राइमले कन्टेन्ट फ्रेम रेटको पहिचान गर्दछ र कन्टेंट फ्रेम संग मिल्ने डिस्प्ले रिफ्रेश रेटलाई परिवर्तन गर्दछ । यसले वास्तवमा आवश्यक हुने पलहरुको लागि मात्र रिफ्रेस रेटलाई बोस्ट गर्दछ छ र ब्याट्रीलाई लामो समय सम्म टिकाउँछ । भ्युइन्ग अनुभवको कुरा आउँदा , रेडमी १० प्राइम कागज बनावटको साथ एक इनबिल्ट रिडिंग मोड ३.० को साथ आउँदछ जसले वास्तविक कागजको अनुकरण गर्दै आँखालाई पर्ने तनाव कम गर्नको लागी सहयोग गर्दछ । प्रयोगकर्ताहरुलाई इमर्सिभ कन्टेन्ट स्ट्रिमिंगको सुनिश्चित गर्दै यो उपकरण एक पंच होल डिस्प्ले र डुअल स्पिकरको साथ उपलब्ध छ।शक्तिशाली मिडियाटेक हेलियो जी ८८ प्रोसेसरको साथ प्रयोगकर्ताको अपेक्षालाई पार गर्र्ने रेडमी १० प्राइमले १२ न्यानोमिटरको प्रोसेस टेक्नोलोजीमा निर्मित मिडियाटेक हेलियो जी ८८ को डेब्यु गरेको छ । लाइटनिंग फास्ट जीपीयुको उपयोग गर्दै, रेडमी १० प्राइमले शक्तिशाली हार्डवेयर र अझ उच्च स्तरको सुविधाहरुका साथ मोबाइलको प्रदर्शनलाई पूरै नयाँ उचाईमा लगेको छ । ओक्टा–कोर सीपीयूले दुई आर्म कोर्टेक्स–ए ७५ सीपीयू २ गिगाहट्र्ज सम्म र ६ आर्म कोर्टेक्स–ए ५५ कोर छिटो र उत्तरदायी मल्टिटास्किंग अपरेसन को लागी १.८ गिगाहट्र्ज सम्म संचालन गर्दछ। यो माली जी ५२ सीपीयुको साथ पेयर गरिएको छ जसले एक उच्च फ्रिक्वेन्सीमा संचालित ३०% अधिक उर्जा दक्षता संग यसको यो भन्दा पहिलो संस्करणकोे तुलनामा हाई एन्ड प्रदर्शनको प्रस्तुती दिन्छ ।यसबाहेक, प्रोसेसर हाइपरइन्जिन गेम टेक्नोलोजी २.० का साथ उपलब्ध छ । यस टेक्नोलोजी फ्ल्युड गेमिंग एक्सपेरियन्सकोे लागी स्मुथ गेमप्ले संग लगातार प्रदर्शन प्रदान गरेर गेमिंग अनुभवको बढावाको लागी डिजाइन गरीएको हो । प्राइम सिरिजको सबैभन्दा नयाँ मेमोरी एक्सटेन्सन एक अपग्रेडेड सुविधाको साथ आउँछ जसले प्रयोगकर्ताहरु लाई ४ जीबीको भेरियन्टलाई १ जीबीले बढाउन तथा ६ जीबीको भेरियन्टलाई २ जीबीले बढाउन मद्दत गर्दछ दिन्छ र उनीहरुलाई ब्याकग्राउन्ड रेजीडेन्ंसीमा अधिक एप्लिकेसनहरु राख्न सहयोग पुर्याउँछ ।एक पातलो डिजाइन र शक्तिशाली ६००० एमएएच ब्याट्रीको साथ आफ्नो दिनचर्या बिताउनुहोस् रेडमी १० प्राइम एक शक्तिशाली ६००० एमएएच ब्याट्रीको साथ उपलब्ध छ जुन नियमित काम गर्ने परिस्थिति अनुसार सजिलै दुई दिन सम्म टिक्न सक्दछ । यस्तो शक्तिशाली ब्याट्री रहदा रहदै पनि, यो एक ह्यान्ड–इन फिलको साथ पातलो डिजाइनमा आउँदछ । यो स्मार्टफोन मात्र १९२ ग्रामको रहेको छ र प्रयोग गर्न र खल्तीमा बोक्नको लागी अति सहज रहेको छ । यसले १८ वाटको फास्ट चार्जिंगलाई समर्थन गर्दछ र यो बट्टा बाहिर रहेको २२.५ वाटको चार्जरको साथ उपलब्ध छ । यति मात्र नभएर यो स्मार्टफोनले ९ वाटको रिभर्सड वायर्ड चार्जिंगलाई सर्पोट गर्दछ जुन बजेट स्मार्टफोनमा एक सार्थक अपग्रेड हो । यसले उपयोगितामा पनि थुप्रै सुविधाहरु प्रदान गर्दछ ।MIUI १२.५ः एक क्लिनर सफ्टवेयर एक्सपेरियन्ससफ्टवेयरमा, समग्र प्रयोगकर्ताहरुको अनुभवलाई वृद्धि गर्दै यो स्मार्टफोन अहिले सम्मकै MIUI राम्रो संस्करण– सबैभन्दा छिटो, सफा र स्मार्ट रहेको सफ्टवेयर MIUI १२.५ को साथमा उपलब्ध रहेको छ । कोर सिनको मेमोरीलाई २०%ले घटाउँदै र बिजुलीको खपतलाई १५ % ले घटाउँदै, यो प्रणाली UI को लामो ब्याट्री जीवन प्रदान गर्न को लागी पुनः लेखिएको छ । यसको लेटेस्ट संस्करणको साथ, प्रयोगकर्ताहरुले कुनै पनि एप्लिकेसन अन्इन्स्टल गर्न र हटाउन सक्दछन् जसले गर्दा यसलाई सबैभन्दा मिनिमल रहेको युजर इन्टरफेस बनाएको छ । इभोल डिजाइनको विरासतलाई जारी राख्दैनयाँ इभोलको डिजाइनलाई कायम राख्दै, रेडमी १० प्राइमले एक परिष्कृत नयाँ रूप प्रदान गर्दछ र एक प्रीमियम इन–ह्यान्ड फिल प्रदान गर्दछ । स्मार्टफोन मात्र १९२ ग्रामको रहेको छ र प्रयोग गर्न र मा खल्तीमा बोक्नको लागी अति सहज रहेको छ । रोमाञ्चक नयाँ डिजाइन जस्तै, यो ३ वटा आकर्षक रंगहरुमा उपलब्ध छ – एलिगेन्ट बन्चको लागि फ्यान्टम ब्ल्याक, मिनिमलिस्टको लागि एस्ट्रल व्हाइट र विशेष रंग चाहने प्रयोगकर्ताहरुको लागी बिफ्रोस्ट ब्लू ।सबै प्रमुख कार्यात्मक पक्षहरु कायम रहेको छ भनेर सुनिश्चित गर्दै यो उपकरण डेडिकेटेड माइव्रmो एसडी कार्ड स्लटका साथ दुईवटा सिम कार्डको साथ उपलब्ध छ। यसलाई ३.५ मिलिमिटरको अडियो ज्याक, साइड माउन्ट गरिएको फिन्गरप्रिन्ट स्क्यानर र आइआर ब्लास्टरसँग ल्याइएको छ । साथै, यो उपकरण एक स्प्ल्याश प्रुफ न्यानो कोटिंगका साथ सुरक्षित गरिएको छ र यो आकस्मिक स्व्रmयाचहरुबाट बचाउनको लागि कर्निंग® गोरिल्ला® ग्लास ३ को साथ उपलब्ध छ । पोर्टहरु रबरयुक्त सीलको साथ कोरोजन–प्रुफ रहेको छ र यसले हिट डेसिपेसनको लागि डुअल ग्राफाइट सिटहरुलाई सर्पोट गर्दछ जसले यो उपकरणलाई कुनै पनि जीवन शैलीको लागि अनुकूल बनाउन मद्दत गर्दछ ।यो एक ४जीको उपकरण हो र ४जीको नेटवर्क मापदण्डहरुलाई सर्पोट गर्दछ ।मूल्यःरेडमी १० प्राइम दुईवटा भेरियन्टमा उपलब्ध हुनेछ– ४जीबी+६४जीबी (१जीबीले बिढाउन सकिने र्याम) नेपाली रु २०,९९९ मा र ६ जीबी+१२८ जीबी र्याम (२ जीबीले बढाउन सकिने र्याम) नेपाली रु २३,९९९ मा उपलब्ध हुनेछ ।
सामाजिक सुरक्षा कोषले सर्वसाधरण नागरिकको आर्थिक सुरक्षाका लागि सरकारी कोषको विनियोजन गर्छ । समाजमा रहेका सबै वर्ग र समुदायका नागरिकले सम्मानपूर्वक बाँच्न पाउने, सामाजिक क्रियाकलापमा स्वतन्त्र रूपमा सहभागी हुन पाउने अवस्थाको सृजना नै सामाजिक सुरक्षा हो ।
संवैधानिक व्यवस्था र उद्देश्य
नेपालको संविधान २०७२ को धारा ३४ को उपधारा २ मा प्रत्येक श्रमिकलाई उचित पारिश्रमिक सुविधा तथा योगदानमा आधारित सामाजिक सुरक्षाको हक हुनेछ भनिएको छ । श्रम ऐन २०७४ को दफा ५२ देखि ५६ र श्रम नियमावली २०७५ को नियम २२ देखि २६ सम्मका व्यवस्थाहरूको कार्यान्वयनको सन्दर्भमा सामाजिक सुरक्षा कोषको स्थापना भएको हो । योगदानमा आधारित सामाजिक सुरक्षा ऐन २०७४, तत्सम्बन्धी नियमावली २०७५ र सामाजिक सुरक्षा योजना सञ्चालन कार्यविधि २०७५ लागू भइसकेको छ ।
रोजगारदाताले नियमित योगदान रकम कट्टा गरी नपठाउने, कामदारबाट पनि यसमा समयमा नै चासो नराख्ने, कोषको व्यवस्थापन व्यावसायिक र लगानीका सम्भावित जोखिमलाई ध्यानमा राखी लगानी गर्न नसकिएमा कोषको रकम जोखिममा पर्न सक्छ ।
निजी तथा सार्वजनिक क्षेत्रमा काम गर्ने सबै किसिमका श्रमिकलाई अवकाशपछि आर्थिक रूपमा सबल र सक्षम बनाई कसैप्रति आश्रित हुननपर्ने बनाउन र वृद्ध अवस्थाका लागि बचत गर्ने बानी बसाउन यो योजना ल्याइएको हो । सरकारी तथा सार्वजनिक एवम् निजीक्षेत्रका सबै व्यक्तिको अवकाशपछिको सुरक्षा योजनामा एकरूपता ल्याउन, कामदारलाई कामप्रति उत्प्रेरित गर्दै काम गर्ने संस्थाप्रति अपनत्व वृद्धि गर्ने र कामदारको स्थिरता र स्थायित्व कायम गरी अवकाश कोषमा सहज पहुँच र नियन्त्रण एवं प्रभावकारी र पारदर्शी अवकाश योजनाको माध्यमबाट योगदानकर्ताको भविष्य सुनिश्चित गर्नु सामाजिक सुरक्षा कोषको प्रमुख उद्देश्य मानिएको छ ।
अन्तरराष्ट्रिय अभ्यास
विश्वका अधिकांश मुलुकले कुनै न कुनै रूपमा सामाजिक सुरक्षा कार्यक्रम लागू गरेका छन् । अमेरिकाले औपचारिक रूपमा सन् १९३५ बाटै सामाजिक सुरक्षा योजना शुरू गरेको थियो । सन् १९३० को ठूलो आर्थिक मन्दी र युद्धबाट धेरै मानिसको मृत्यु र लाखौं मानिस अपांग र अशक्त भई परनिर्भर रहनुपर्ने अवस्थालाई ध्यानमा राखेर त्यहाँ वृद्धावस्थाको समयमा आर्थिक रूपमा कमजोर हुन नदिन र राज्य कोषबाट गर्नुपर्ने खर्चको दायित्वलाई बेलैमा सहज व्यवस्थापन गर्न सामाजिक सुरक्षा योजना शुरू गरिएको थियो । नर्वे, स्वीडेन, डेनमार्क, फिनल्यान्ड र आइसल्यान्डले पनि यस योजनालाई धेरै अगाडिदेखि व्यवस्थित रूपमा शुरू गरेका थिए ।
दक्षिण एशियाली मुलुकहरूमा पनि यो योजना कार्यान्वयनमा छ । यी देशमा लागू भएका सामाजिक सुरक्षा योजनाका आआफ्नै विशेषता छन् । सबैभन्दा निकटको छिमेकी भारतले सन् १९४८ देखि नै विभिन्न नीति नियममार्फत यसलाई व्यवस्थित गर्दै ल्याएको देखिन्छ । श्रीलंका, भुटान, बंगलादेश, पाकिस्तान, अफगानिस्तान, मालदिभ्सले पनि आआप्mनै विशेषता र आवश्यकताअनुसारका प्रबन्ध गरेका छन् ।
योजनाका प्रावधान
हामीकहाँ यो योजनामा सहभागी हुने योगदानकर्ताको आधारभूत पारिश्रमिकको ११ प्रतिशत रकम रोजगारदाताले कट्टा गरी त्यसमा आधारभूत पारिश्रमिकको २० प्रतिशत रोजगारदाता स्वयम्ले थप गरी कुल ३१ प्रतिशत रकम सामाजिक सुरक्षा कोषमा जम्मा गर्नुपर्छ । यस्तो रकममध्ये २८ दशमलव ३३ प्रतिशत वृद्धावस्था सुरक्षा योजना खातामा जम्मा हुने र बाँकी रकममध्ये दुर्घटना तथा अशक्तता सुरक्षा योजनाका लागि १ दशमलव ४० प्रतिशत, औषधि उपचार, स्वास्थ्य तथा मातृत्व सुरक्षा योजनाका लागि १ प्रतिशत र आश्रित परिवार सुरक्षा योजनाका लागि शून्य दशमलव २७ प्रतिशत रकम छुट्ट्याइएको छ ।
श्रमिक कर्मचारीको सामाजिक सुरक्षा कोषमा आधारभूत पारिश्रमिकको ३१ प्रतिशतले हुने रकम रोजगारदाताले महीना समाप्त भएको १५ दिनभित्र योगदान रकम कोषमा दाखिला गर्नुपर्ने व्यवस्था छ । कुनै श्रमिकले कुनै कारणले पारिश्रमिक नपाउने अवस्था सृजना भएमा त्यस्तो श्रमिकको बढीमा ३ महीनासम्मको योगदान रकम रोजगारदाताले जम्मा गरिदिनुपर्ने सामाजिक सुरक्षा कोष ऐन २०७४ को दफा ८ मा प्रावधान गरिएको छ ।
सामाजिक सुरक्षा योजनाअनुसार १५ वर्षभन्दा कम सेवा गरेका श्रमिकका हकमा उनीहरूले कोषमा जम्मा भएको आफ्नो रकममात्र बुझ्न पाउनेछन् । १५ वर्षभन्दा बढी सेवा गरेका व्यक्ति अवकाश योजनामा सहभागी बन्न पाउनेछन् । त्यस्ता श्रमिकले निवृत्तिभरण वा अवकाश योजनामध्ये एउटा रोज्न पाउनेछन् । विसं २०७८ साउन १ गतेपछिका श्रमिकले निवृत्तिभरणमात्र पाउने छन् । त्यसभन्दा अगाडिका श्रमिकले योजना छनोटको अवसर प्राप्त गर्ने छन् ।
श्रमिकको दुर्घटना वा कामकाजको सिलसिलामा मृत्यु भएमा मृतकको पति वा पत्नी संस्थामा कार्यरत रहँदा अन्तिम समयको न्यूनतम ६० प्रतिशत रकम आजीवन निवृत्तिभरणका रूपमा पाउने व्यवस्था छ । त्यस्तै श्रमिकको मृत्यु हुँदा निजका १८ वर्षभन्दा कम उमेरका सन्तान रहेमा अन्तिम न्यूनतम तलबको ४० प्रतिशत रकम शैक्षिक वृत्तिका लागि उपलब्ध गराउनुपर्ने व्यवस्था छ । एकभन्दा बढी १८ वर्ष मुनिका सन्तान रहेको हकमा अन्तिम तलबमानको ६० प्रतिशत रकम दामासाहीमा भाग लाग्ने व्यवस्था गरिएको छ ।
कोषका चुनौती
यो योजना राम्रो र कामदार तथा रोजगारदाता दुवै पक्षको हितमा हुदाँहुँदै पनि समस्या र चुनौतीमुक्त भने छैन । योगदानकर्ताले जहिले पनि आफ्नो रकमको संरक्षण र अधिक प्रतिफलको आशा राखेको हुन्छ । योगदानकर्ताको संख्या बढ्दै जाँदा कोषको आकार पनि फराकिलो हुँदै जानेछ । केही वर्षको अन्तरालमा कोषमा ठूलो रकम जम्मा हुन्छ । केही वर्षपछि कर्मचारी सञ्चय कोष र नागरिक लगानी कोषभन्दा पनि यो कोष निकै ठूलो हुन सक्छ । त्यसैले यसको व्यवस्थापन र सञ्चालन चुनौतीपूर्ण बन्दै जान सक्छ । कोषले गर्ने लगानीबाट छिटो र बढी प्रतिफल प्राप्त गर्ने र सम्बद्ध जोखिमका क्षेत्र पहिचान सकिएन भने त्यो कोषका लागि ठूलो दुर्भाग्य हुनेछ ।
रोजगारदाताले नियमित योगदान रकम कट्टा गरी नपठाउने, कामदारबाट पनि यसमा समयमा नै चासो नराख्ने, कोषको व्यवस्थापन व्यावसायिक र लगानीका सम्भावित जोखिमलाई ध्यानमा राखी लगानी गर्न नसकिएमा कोषको रकम जोखिममा पर्न सक्छ । योगदानकर्तालाई कोषले गरेको लगानीबाट अधिकतम लाभ दिन सक्नुपर्नेमा रकम बैंकहरूमा निक्षेपका रूपमा राख्दा कतिपय अवस्थामा न्यून भरोसायोग्य बैंक तथा वित्तीय संस्था पर्न गएमा पनि रकम जोखिममा पर्न सक्ने हुन्छ । कोषको लगानी नीति, लगानीका क्षेत्र एवम् रकमको पारदर्शिताले पनि यसको सफलतामा महत्त्वपूर्ण भूमिका निर्वाह गर्नेमा द्विविधा छैन ।
अबको बाटो
यस सामाजिक सुरक्षा योजनालाई निजीक्षेत्रले सहज रूपमा स्वीकार्नुमा थप प्रत्यक्ष रूपमा न्यून ( १ दशमलव ६६ प्रतिशत) आर्थिक दायित्व देखिए पनि यसअघि दायित्वका रूपमा रहेका दुर्घटना विमाको प्रिमियम, औषधि उपचार, स्वास्थ्य तथा मातृत्वजस्ता घटनामा हुने ठूलो खर्चको भार घट्नु नै हो । सामाजिक सुरक्षा योजनासम्बन्धी अध्ययन प्रतिवेदन, २०६७ ले सुझाएका योगदानमा आधारित सामाजिक सुरक्षा कार्यक्रमका योजनालाई समेत समेटी अवकासपछि निवृत्तिभरण पाउनेसम्मको व्यवस्था हाल घोषणा गरिएको सामाजिक सुरक्षा योजनाले समेटेको छ । त्यसैले यो योजना श्रमिक तथा रोजगारदाता दुवै पक्षको हितमा छ । यसलाई सफलतापूर्वक कार्यान्वयन गर्नु हामी सबैको साझा दायित्व हो ।
ठाकुर वीरगञ्ज उद्योग वाणिज्य संघका पूर्वउपाध्यक्ष हुन् ।
