यो चाडवाडको यो मौसममा रिचार्ज कार्ड तथा विभिन्न डिजिटल माध्यम मार्फत डिसहोम रिचार्ज गर्दा ग्राहकहरूले आकर्षक बोनस पाउने छन्। यो योजना अन्तर्गत डिसहोमको रिचार्जमा बाइस सय रुपैयाँसम्म अतिरिक्त बोनस रकम प्राप्त गर्न सकिने कम्पनीले जनाएको छ।
काठमाडौं (अस) । डिसहोमले नेपालभरका मुख्य–मुख्य सहरमा फाइबर नेट सेवा विस्तार गर्दै लगेको बताएको छ । कम्पनीले धरानमा पनि फाइबर नेट सेवा विस्तार गरेको छ ।
कम्पनीका अनुसार फाइबर नेट सेवामा ग्राहकका लागि डिसहोम टिभीको निःशुल्क सदस्यता, आकर्षक छुट, निःशुल्क डिसहोम गो एप र एक्सभोडलगायत विभिन्न सुविधा उपलब्ध गराइनेछ ।
फाइबर नेट योजनामा कम्पनीले न्यूनतम १० एमबीपीएसदेखि अधिकतम १०० एमबीपीएससम्मको इन्टरनेट सेवा प्रवाह गरिरहेको छ ।
कम्पनीले काठमाडाैं, भक्तपुर, ललितपुर, हेटौंडा, इनरुवा, इटहरी, बर्दिवास, बुटवल, ढल्केबर र विराटनगरमा फाइबर नेट सेवा सञ्चालन गरिसकेको बताएको छ ।
छिट्टै पोखरा, नेपालगञ्ज, धनगढी, बिर्तामोड, जनकपुर, वीरगञ्जलगायत स्थानमा समेत विस्तार गर्ने योजना रहेको कम्पनीले जनाएको छ ।
