सनराइज बैंकले कपाल प्रत्यारोपण गर्न बिना धितो नै शुन्य ब्याजदर ऋण दिने

सनराइज  बैंकले पृथक किसिमको सेवा “कपाल प्रत्यारोपण” मा पनि ईएमआइ सेवा ल्याएको छ ।  बैंकले आफ्ना ग्राहकहरुले आफ्नो आवश्यकतालाई भविष्यको लागि थाति राख्न नपरोस भनेर Buy Now Pay Later योजना अन्र्तगत ईएमआई सुविधा ल्याएको जनाएको छ । बैंकएल ग्राहकलाई एकै चोटि आर्थिक भार पर्न नदिन सन्राइज बैंकले सिद्धार्थनगर सिटि अस्पतालसंग सम्झौता गरि ईएमआईमा कपाल प्रत्यारोपण गर्ने व्यवस्था गरेको छ । बैंकले नेपालमा मात्र नभइ विश्व भरि मानिसमा कपाल झर्ने र कपाल पातलो हुने समस्या बढ्दै गएको छ र मानिसहरुमा कपाल प्रत्यारोपण गर्ने प्रवृति पनि संग संगै बढ्दै गएको यस सेवालाई अझै सहजिकरण गर्न अस्पतालसँग सहकार्य गरेको जनाएको छ  ।  अस्पतालले सनराइज बैंकसँग सहकार्य गरेर किस्ता बन्दी  सुविधा दिएको छ । कपाल प्रत्यारोपण लगायत कस्मेटिक उपचारका लागि आउने सेवाग्राहीलाई किस्ताबन्दीमा शुल्क तिर्ने व्यवस्था मिलाइएको अस्पतालका प्रबन्ध निर्देशक अर्जुन पौडेलले बताए  । बंैकले प्रत्यारोपणको लागि पचास हजार देखि तिन लाखसम्म यस्तो ऋण बिना धितो नै शुन्य ब्याजदरमा उपलब्ध गराउने छ । अठार महिनासम्म किस्तामा तिर्न मिल्ने ऋणका लागी आयस्रोत भने खुलाउनुपर्ने जनाइएको छ । लग्जरी सुबिधा भएकाले एकै पटक शुल्क तिर्न गाह्रो हुनेलाई लक्षित गरेर ऋणको व्यवस्था गरिएको सन्राइज बैकका भैरहवाका शाखा प्रमुख हरिहर सुवेदीले बताए । यस अघिपनि बैंकले चितवनस्थित चितवन मेडिकल कलेज शिक्षण अस्पताल, काठमाडौंको कोटेश्वरस्थित K33 Hair Hotel, विशालनगरस्थित Arogin Health Care & Research,,  बालुबाटारको Healthy Choice Nutrition and Fitness Clinic र पोखराको फेवा हेल्थ केयरमा कपाल प्रत्यारोपण÷प्रतिस्थापन गर्न आउने सेवाग्राहीलाई किस्ता बन्दी  सुविधा दिने सम्झौता गरेको छ ।