नेपाल सरकारले नयाँ वर्षको आगमनसँगै ल्याएको हरेक नेपालीको बैंक खाता सफल बनाउन नेपाल बैंकले अघि बढाएको प्रयासको फलस्वरूप विगत साढे २ महिनाको अवधिमा २३९८५ समृद्धि बचत खाता खुलेका छन् । नेपालमा ८२ वर्ष अघिबाट संस्थागत बैंकिङमार्फत सर्वसाधारणलाई बचत, कर्जालगायतका आधारभूत बैंकिङ अभ्यासमा संलग्न गराई देशमा बैंकिङ विकासको आधारशिला तयार गरेको नेपाल बैंक लिमिटेडले हरेक नेपालीको बैंक खाता अभियानलाई सफल बनाउन वित्तीय साक्षरतासम्बन्धी कार्यक्रमलाई एक महत्वपूर्र्ण अभियानका रूपमा अगाडि बढाइरहेको जनाएको छ ।
