मंसिर २९, लन्डन (बेलायत) । बेलायतमा मुद्रास्फीति नोभेम्बरमा बढेर १० वर्षकै उच्च विन्दुमा उक्लिएको छ ।
नोभेम्बरसम्मको १२ महीनामा उपभोक्ता मूल्य सूचक बढेर ५ दशमलव १ प्रतिशतमा उक्लिएको छ । अक्टोबरमा सीपीआई ४ दशमलव २ प्रतिशत थियो ।
रोयटर्सको जनमत सर्वेक्षणमा संलग्न अर्थशास्त्रीहरुले नोभेम्बरमा मुद्रास्फीति ४ दशमलव ७ प्रतिशत रहने बताएका थिए । सन् २०२२ को बसन्तमा मुद्रास्फीति ५ प्रतिशतमा उक्लिने बैंक अफ इंगल्यान्ड (बीओई) को प्रक्षेपण थियो ।
सन् २०२३ को अन्त्यमा यो घटेर २ प्रतिशतको लक्ष्यमा आउने बताइएको थियो । मासिक आधारमा भने अक्टोबरबाट नोभेम्बरमा मुद्रास्फीति शून्य दशमलव २ प्रतिशतले बढेको छ । यो दर शून्य दशमलव ४ प्रतिशत रहने रोयटर्सको सर्वेक्षण बताइएको थियो ।
कोर सीपीआई भने गत वर्षको सोही अवधिको तुलनामा ४ प्रतिशतले बढेको छ । रोयटर्सले यो दर ३ दशमलव ७ प्रतिशत रहने बताएको थियो । मौद्रिक नीति कसिलो बनाउने कि नबनाउने भन्ने निर्णय गर्न बीओईको नीतिगत बैठक बिहीवार बस्दैछ । एजेन्सी