मोरङको रानी क्षेत्रबाट प्रहरीले भन्सार छलिको सामान बरामद गरेको छ । भारतको जोगवनीबाट नेपालतर्फ ल्याएको करिब ९ लाख २६ हजार मूल्य बराबरको भन्सार छलिको सामान बरामद गरिएको जिल्ला प्रहरी कार्यालय मोरङका डीएसपी टिकाबहादुर कार्कीले रातोपाटीलाई बताए ।बरामद सामग्रीमा कपडा, खाद्यान्न र घरायसी सामान लगायत छन् । जिल्ला प्रहरी कार्यालय मोरङ र इलाका प्रहरी कार्यालय रानीबाट खटिएको टोलीले सो सामग्री बरामद गरेको हो । बरामद सामग्री प्रहरीले भन्सार कार्यालय रानीमा बुझाएको छ ।
