काठमाडौं : बालाजुस्थित औद्योगिक क्षेत्रमा शुक्रबा रातिदेखि लागेको आगो अझै नियन्त्रणमा आउन सकेको छैन। काठमाडौं महानगरपालिका–१६ स्थित औद्योगिक क्षेत्रमा रहेको नेबिको बिस्कुट उद्योगमा राति पौने दुई बजेदेखि आगो लागिरहेको प्रहरीले बताएको छ।प्रहरी र स्थानीयको सक्रियतामा आठवटा वारुणयन्त्रले आगो नियन्त्रणमा लिने प्रयास भइरहेको प्रहरीले जनाएको छ। आगोलागीको कारण खुलेको छैन। क्षतिको विवरण पनि आइसकेको छैन।