गगन विष्ट/हाल, कुवेत सिटी ।
एउटा किसान हुँ मेरो बिउको
व्याख्या गर्ने सरकार खोज्दै छु,
अनि
बेरोजगारीले थला परि खाडीको तापक्रमसँग
भिड्दै आफू र आफ्नो देशको छाक टार्न
पसिनामा पौडी खेल्ने युवाहरूको पसिना र आँसुको
व्याख्या गर्ने सरकार खोज्दै छु
र
खोज्दै छन्,म जस्तै
कयौँ युवाहरू
आफ्नै कर्मको व्याख्या गर्ने सरकार खोज्दै छन्,
त्यसपछि
कर्णाली पारिका अँध्यारा बस्तिहरूको
बलत्कार गरी मारिएका छोरीहरूको चित्कारको
दाइजो माग्न लिप्त भएको समाजको
छाउ गोठमा मृत्...