खोलाको पानी सधैँ पिउँदै आएका दुर्गमको ताङ्गिन गाउँका बासिन्दा घरघरमा धारा जडान गरेर खानेपानी पाउन थालेका छन् । शुद्ध पिउने पानी गाउँवासीलाई पुर्याउने वडाको लक्ष्यलाई पूरा गर्न खानेपानी योजना निर्माण भएपछि यो सम्भव भएको हो ।
वडाको रणनीति घरघरमा खानेपानीको धारा निर्माण रहे अनुसार त्यसलाई पुरा गरिएको वडा अध्यक्ष प्रेम बहादुर लामाले बताउनुभयो । नाम्खा गाउँपालिकाको वडा नम्बर १ को दुरदराजको ताङ्गिन गाउँका पचास घरधुरीमा खानेपानीका धारा जडान भएको उहाँले बताउनुभयो ।