गत असार अन्तिम साता झरी परिरहेका बेला सिद्धार्थ राजमार्गअन्तर्गत पाल्पा खण्डमा गरिएको कालोपत्र तीन दिन पनि टिकेन । तिनाउ गाउँपालिका–३ दोभान बजार क्षेत्रको उक्त सडकको ठेक्का सम्झौता डिभिजन कार्यालयअन्तर्गत भएको थियो । निर्माण कम्पनी जीवन ब्रदर्स कन्स्ट्रक्सनले १८ लाख १६ हजार रुपैयाँमा कालोपत्रको ठेक्का पाएको थियो । कालोपत्र गुणस्तरहीन भएको भन्दै पछि निर्माण व्यवसायीलाई उप्काउन निर्देशन दिइएको थियो ।
