असार १३, काठमाडौं । आइतवार कारोबारको तेस्रो घण्टामा नेप्से परिसूचक ११ दशमलव २५ अंकले बढेर २ हजार ८७३ दशमव २५ विन्दुमा पुगेको छ ।
१ दशमलव शून्य ६ प्रतिशतले बढेको बजारमा २२३ ओटा कम्पनीकोे रू. ५ अर्ब २३ करोड ७७ लाख ७१ हजार बराबरको शेयर खरीदविक्री भएको छ ।
कारोबारको तेस्रो घण्टामा सेञ्चुरी कमर्सियल बैंक र अपर तामाकोशी हाइड्रोपावरको शेयरमूल्य ९ दशमलव ९६ र ९ दशमलव ९३ प्रतिशतले बढेको छ ।
तेस्रो घण्टामा कारोबारमा आएका १३ ओटा समूहको परिसूचकमध्ये होटल्स तथा पर्यटन, विकास बैंक, वित्त, निर्जीवन बीमा, अन्य र जीवन बीमा समूहको परिसूचक घटेको छ भने बाँकी बैंकिङ, व्यापार, जलविद्युत्, उत्पादन तथा प्रशोधन, लघुवित्त, म्युचुअल फण्ड र लगानी समूहको परिसूचक बढेको छ । जसमध्ये जलविद्युत् समूको परिसूचक सर्वाधिक २ दशमलव ८८ प्रतिशतले बढेको हो ।
यस अवधिसम्म सेञ्चुरी कमर्सियल बैंकको सर्वाधिक कारोबार भएको छ । उक्त कम्पनीको रू. ३७ करोड १६ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २९८ मा कारोबार भइरहेको छ ।
कारोबार रकमकै आधारमा सर्वाधिक कारोबार हुने दोस्रो कम्पनीमा नेशनल हाइड्रोपावर रहेको छ । उक्त कम्पनीको प्रतिकित्ता रू. ३३८ मा रू. ३१ करोड ७ लाख बराबरको शेयर खरीदविक्री भएको छ ।
