युवालाई स्वदेशमै रोजगारी र सीपमुलक शिक्षा दिनुपर्छः राष्ट्रपति

रोजगार मेलाको तयारीमा सरकार

गण्डकी प्रदेश सरकारले दक्ष युवालाई लक्षित गरी रोजगार मेलाको तयारी गरेको छ । शिक्षा, संस्कृति, विज्ञान, प्रविधि तथा सामाजिक विकास मन्त्रालयले सो मेलाको आयोजना गर्न लागेको हो । सामाजिक विकासमन्त्री मेखलाल श्रेष्ठले दक्ष, योग्य र शिक्षित युवालाई स्वदेशमै रोजगारी दिने योजनाअनुरूप मेला आयोजना गर्न लागेको बताउनुभयो । “यो त सुरुवात मात्रै हो, प्रदेश सरकारले श्रम नीति ल्याएको छ । सोही नीतिलाई टेकेर असङ्गठित मजदुरलाई सङ्गठित गर्ने, राज्यको दायरामा ल्याउने र उनीहरूको सीप तथा समस्याको पहिचान गरी काम मिलाउने योजना छ,” उहाँले भन्नुभयो ।