स्याङ्जा – स्याङ्जाको भीरकोट नगरपालिकामा प्याराग्लाइडिङ उड्ने क्रममा भएको दुर्घटनामा एक किशोरी घाइते भएकी छन् । भीरकोट ८ स्वरेक मैदानमा प्याराग्लाइडिङ उड्ने क्रममा त्यही ठाँउकी १९ वर्षीया लक्ष्मी अर्याल घाइते हुनुभएको हो ।
घाइते अर्याललाई उद्धार गरी हेलिकप्टरबाट पोखराको मेट्रोसिटी अस्पताल पठाइएको जिल्ला प्रहरी कार्यालय स्याङ्जाका प्रवक्ता एवम् प्रहरी नायब उपरीक्षक रविन्द्र खनालले जानकारी दिनुभयो ।
घाइते अर्यालको टाउको र खुट्टामा चोट लागेको प्रहरीको भनाइ छ ।
