काठमाडौं । आइएमई पेले ल्याएको रिफन्डेबल एयरलाइन्स टिकट फिचरअन्तर्गत अब विभिन्न राष्ट्रिय उडानको टिकटलाई रिफन्डेबल टिकटमा परिवर्तन गर्न सकिने भएको छ ।
पेले ल्याएको सो रिफन्डेबल एयरलाइन्स टिकट फिचरमा एयरलाइन्स कम्पनी जोडिन थालेको कम्पनीले जानकारी दिएको छ । यसै क्रममा पेमार्फत श्री एयरलाइन्स, सौर्य एयरलाइन्स, बुद्ध एयरलाइन्स र यती एयरलाइन्सको टिकट अब ग्राहकले सजिलै रिफन्डेबल टिकटमा रूपान्तरण गर्न सक्ने बताइएको छ । ग्राहकले पेबाट सुपथ मूल्यमा उच्चतम क्यासब्याकका साथ एयरलाइन्स टिकट प्राप्त गर्नुका साथै रिफन्डेबल टिकटको फिचर प्रयोग गरी अत्यावश्यक समयमा टिकटको पूरा मूल्य रिफन्ड पनि पाउन सक्ने कम्पनीले जानकारी दिएको छ ।