वैशाख १५, काठमाडौं । मेगा म्युचुअल फण्ड - १ ले चैत मसान्त्सम्मको खुद सम्पत्ति विवरण बिहीवार सार्वजनिक गरेको छ ।
उक्त वित्तीय विवरण अनुसार फण्डको एनभएभी घटेको छ । फागुन मसान्तसम्ममा फण्डको एनएभी रू. ९दशमलव ९७ रहेकोमा चैत मसान्तसम्ममा घटेर रू. ९ दशमलव ४७ कायम भएको हो । फागुन महीनाको तुलनामा चैत महीनामा फण्डको नोक्सानी बढेको छ ।
फण्डले फागुन मसान्तसम्ममा रू.४० लाख २५ हजार नोक्सानीमा रहेकोमा चैत मसान्तसम्ममा बढेर रू. ६ करोड ६१ लाख पुगेको हो ।
चैत महीनामा फण्डको खर्चमा वृद्धि भएको र जम्मा आम्दानी रू. ४ करोड ५० लाख ऋणात्मक रहेकाले नोक्सानी बढेको हो । फागुन मसान्तसम्ममा फण्डको कुल खर्च रू. १ करोड ९२ लाख रहेकोमा चैत मसान्तसम्ममा बढेर रू. २ करोड १० लाख पुगेको छ ।
उक्त फण्डको चैत मसान्तसम्ममा सूचीकृत तथा सूचीकृत नभएको शेयरमा गरेको लगानीको लागत मूल्य (धितोपत्र दलाल कमिशनसहित) रू.८८ रोड ७६ लाख रहेकोमा यसको बजार मूल्य रू. ८० करोड ३५ लाख रहेको छ ।