काठमाडौं : आइतबार देशभर ८१ जना कोभिड १९ का संक्रमित भेटिएका छन्। स्वास्थ्य तथा जनसंख्या मन्त्रालयको विवरणअनुसार गत २४ घन्टामा १ हजार ३०६ जनामा गरिएको नमूना परीक्षणमा ८१ जनामा संक्रमण पुष्टि भएको हो। आज ५४ जना संक्रमणमुक्त भएका छन्। मन्त्रालयको विवरणअनुसार हाल देशभर ३७० जना कोभिडका सक्रिय संक्रमित रहेका छन्।सक्रिय संक्रमितमध्ये हाल २२ जना संस्थागत आइसोलेशनमा, ३ जना आइसियू र एकजना भेन्टिलेटरमा रहेका छन्।
