काठमाडौं (अस) । सेगवे–नाइनबोटले आकर्षक, नयाँ शैली र मौलिक इलेक्ट्रिक स्कुटर सेगवे ई–१०० नेपालमा सार्वजनिक गरेको छ । सन् २००१ देखि कम्पनीले दुई पांग्रे सेल्फ–ब्यालेन्सिङ सवारी र इलेक्ट्रिक सवारी उत्पादन गरिरहेको छ ।
सेगवेले सन् १९९९ देखि रोबोटिक प्रविधिका बम डिस्पोजल रोबोट, पर्सनल रोबोट, डेलिभरी रोबोट उत्पादन गरिरहेको छ । नाइनबटसँग रणनीतिक सहकार्यपछि सेगवे यो विधामा उत्कृष्ट हुँदै आएको छ ।
सेगवे नाइनबोटका लागि नेपालमा आईहब प्रालि आधिकारिक आयातकर्ता र वितरक कम्पनी हो । आई हब प्रालिका निर्देशक लोकेश ओलीले नेपालमा स्वच्छ पर्यावरणका लागि सेगवेका स्कुटी बिक्री सुरु गरिएको जानकारी दिए ।
सेगवे ई–१०० माघ तेस्रो सातादेखि नेपाली बजारमा उपलब्ध हुनेछ । उत्कृष्ट सुरक्षाका सुविधाको साथ आउने सेगवे ई–१०० चालक नबसेसम्म स्टार्ट हुँदैन भने स्कुटरको स्ट्यान्ड नउठाउँदासम्म चल्दैन ।
सेगवे ई–१०० मा किलेस सिस्टम रहेको छ । सुन्दर ढंगले डिजाइन गरिएको साँचोबाहेक रिमोट कन्ट्रोलमा दुई बटन रहेका छन् । एउटा बटनले स्कुटरलाई अन–अफ मोडमा राख्छ भने अर्कोले स्कुटरलाई लक गर्न मद्दत गर्दछ ।
२२ लिटर क्षमताको सिट कास्कले पूर्ण साइजको हेलमेट अथवा १३ इन्चको ल्यापटप अट्ने ब्याग अथवा सोही भोल्युमका वस्तु राख्ने पर्याप्त ठाउँ उपलब्ध छन् ।
नाइनबट ई–स्कुटर ई–१०० कालो, सेतो, नीलो र रातो रङमा नेपाली बजारमा उपलब्ध हुनेछ । यसमा ६ वटा लेन्ससहितको इन्टेलिजेन्ट म्याट्रिक्स एलईडी हेडल्याम्प राखिएको छ, जसले स्वचालित वातावरणीय प्रभावअनुसार प्रकाश फाल्ने कम्पनीले बताएको छ ।
ई–स्कुटरमा मोबाइल चार्जिङ स्लट, तीन फरक ड्राइभिङ मोड, लिथियम–आयनयुक्त पानी प्रतिरोधी ब्याट्रीलगायत सुविधा उपलब्ध छन् ।
.JPG)
