चौतारा । सिन्धुपाल्चोकको बाह्रबिसे नगरपालिकाले गोरु पाल्ने ७७६ कृषकलाई प्रोत्साहनस्वरूप रू. १० हजार अनुदान दिएको छ ।
बुधबार एक कार्यक्रमको आयोजना गरी नगरपालिकाले जैविक कृषिलाई प्रवर्द्धन गर्ने उद्देश्यका साथ जनतासँग नगर प्रमुख कार्यक्रममार्फत कृषकलाई अनुदान दिइएको हो ।
नगर प्रमुख बालकृष्ण बस्नेतका अनुसार भौगोलिक अवस्थाका कारण ट्याक्टर सबै ठाउँमा लैजान नसक्ने भएका कारण गोरुपालक कृषकलाई अनुदान रकम प्रदान गरिएको हो ।
नगर प्रमुख बस्नेतका अनुसार अनुदान लिनका लागि गोरुको अनिवार्य बीमा गरेको हुनुपर्नेछ । अनुदानका लागि नगरपालिकाले रू. दुई करोड ५० लाखभन्दा बढी रकम कृषिमा छुट्याएको छ । -रासस