काठमाडौं (अस) । लक्ष्मी बैंकले कास्कीको पोखरा महानगर–१७ स्थित बिरौटामा शाखा विस्तार गरी कारोबार सुरु गरेको छ । बिरौटा शाखामार्फत बैंकले ग्राहकको वित्तीय आवश्यकता पूरा गर्न आवश्यक सम्पूर्ण रिटेल बैंकिङ सेवाका साथै साना तथा लघु व्यवसायीमाझ वित्तीय पहुँच पुर्याउने लक्ष्य राखेको छ । हाल बैंकले १३६ शाखा, ७ एक्सटेन्सन काउन्टर, ५ हस्पिटल सेवा काउन्टर, ६३ शाखारहित बैंकिङ र १६६ एटीएमबाट बैंकिङ सेवा दिँदै आएको छ ।
