काठमाडौं : देशभर डेंगु संक्रमण बढ्दै जाँदा सरकारले कर्मचारीहरूलाई पूरा बाहुला भएको कपडा लगाएर अफिस आउन आग्रह गरेको छ। स्वास्थ्य तथा जनसंख्या मन्त्रालयले सम्पूर्ण कर्मचारीहरूलाई कार्यालय आउँदा पूरा पूरा बाहुला भएको लुगा लगाउन आग्रह गरेको हो।डेंगु रोगको जोखिम कम गर्नका लागि मन्त्रालयका सह–प्रवक्ता डा.समीरकुमार अधिकारीले सोमबार सूचना निकाल्दै सार्वजनिक, सामुदायिक र नीजि क्षेत्रमा कार्यरत सम्पूर्ण कर्मचारीहरुलाई कार्यालय आउँदा पूरा पूरा बाहुला भएको लुगा लगाउन अनुरोध गरेका हुन्।