म्याग्दी : पहिरोले थुनिएको धवलागिरि गाउँपालिका–१ स्थित गुर्जाखोलाबाट पानी बग्न थालेपछि सम्भावित जोखिम हटेको छ। गुर्जाको खास्का भन्ने ठाउँमा शनिबार दिउँसो पहाड भत्किएर खस्दा थुनिएको खोला आइतबारदेखि प्राकृतिकरुपमा बग्न थालेपछि तटीय क्षेत्रको सम्भावित जोखिम टरेको हो।खोला थुनिएर बनेको तलाउबाट पानी बग्न थालेपछि तटीय क्षेत्रमा रहेको जोखिम कम भएको पहिरो स्थलको स्थलगत निरीक्षणमा पुगेका वडा नम्बर १ का अध्यक्ष झकबहादुर छन्त्यालले जानकारी दिए। पानी बग्न थालेको र तलाउको सतह घट्दै गएको छन्त्यालले बताए।
