सत्तारुढ दल नेपाली कांग्रेसको पदाधिकारी बैठक आज बस्दैछ ।
शनिवार बिहान ९ बजे सभापति शेरबहादुर देउवाको निजी निवास बूढानीलकण्ठमा बैठक बस्न लागेको प्रवक्ता विश्वप्रकाश शर्माले जानकारी दिए ।
बैठकमा पार्टीको आसन्न महाधिवेशनको कार्यतालिकाबारे छलफल हुनेछ । साउन १२ गते वडा अधिवेशन तय भएपनि क्रियाशील सदस्यता टुंगो नलागेकाले अधिवेशन सर्ने देखिएको छ ।
क्रियाशील सदस्यता विवाद समाधान र वडा अधिवेशनको मिति हेरफेरबारे बैठकमा छलफल हुने जनाइएको छ ।
