म्यानमारकी नेतृ सुकीलाई अदालत उपस्थित गराउने कार्यक्रम स्थगित

गोर्खाज फाइनान्सको स्थगित साधारण सभा असोज १८ गते हुँदै

भदौ २८, काठमाडौं । गोर्खाज फाइनान्स लिमिटेडले भदौ २४ गते स्थगित गरेको २६औं वार्षिक साधारण सभा असोज १८ गतेका लागि आव्हान गरेको छ ।  यसअघि भदौ २३ गते निषेधाज्ञा मुद्धामा वार्षिक साधारण सभा स्थगित गर्न उच्च अदालत पाटनले अन्तरिम आदेश दिएकाले कम्पनीले सभा स्थगित गरेको थियो । कम्पनीले होटेल क्राउन इम्पेरियल, रविभवन, काठमाडौंमा बिहान ११ बजे सभा बोलाएको हो । सभाले अघिल्लो आर्थिक वर्ष ०७६/७७ को वार्षिक प्रतिवेदन सहितका वित्तीय विवरणहरु पारित गर्नुका साथै गत आर्थिक वर्ष ०७७/७८ को लागि लेखापरीक्षक नियुक्ति र निजको पारिश्रमिक निर्धारणको विषयलाई पनि टुङ्ग्याउनेछ ।  सभाले संस्थापक तर्फबाट तीन जना र सर्वसाधारण तर्फबाट तीन जना गरी ६ जना सञ्चालकको निर्वाचन समेत गर्ने कार्यक्रम रहेको छ । कोभिड महामारीका बिच भर्चुअल माध्यमबाट सदस्यहरुलाई उपस्थित हुन कम्पनीले आग्रह गरेको छ ।  साधारण सभा प्रयोजनका लागि कम्पनीले असोज १० गतेदेखि सभा हुने दिनसम्म बुक क्लोज गर्ने भएको छ । बुक क्लोजको आधारमा असोज ७ गतेसम्म कायम शेयरधनीहरु मात्र सभामा भाग लिन सक्नेछन् ।