हेटौडा : मकवानपुरमा मतदातालाई आकर्षित गर्न भोजको व्यवस्था गरिएको छ। गठबन्धन र एमाले दुवै पक्षले मतदातालाई आकर्षित गर्न दुई स्थानमा भोजको व्यवस्था गरेका हुन्। मनहरी गाउँ-४ हाँडीखोलाको पशुपति माविमा मतदान चलिरहेको छ भने त्यसको करिब ५० मिटरको दुरीमा भोज चलिरहेको छ।मकवानपुर-२ क्षेत्र पर्ने उक्त स्थानमा गठबन्धनबाट नेकपा एकीकृत समाजवादीमा नेता तथा पूर्व स्वास्थ्यमन्त्री विरोध खतिवडा र एमालेतर्फबाट महेश बर्तौला उम्मेदवार रहेका छन्।
