उत्तरी हुम्लाका २३ वटा बस्ती सञ्चार सम्पर्कविहीन भएका छन्।नेपाल टेलिकमको टावरमा हिमपातले क्षति भएपछि सञ्चार सम्पर्क हुन नसकेको हो। नाम्खा गाउँपालिका–१ का नारायण लामाले उत्तरी हुम्ला सञ्चार सम्पर्क बिहीन भएको बताउनुभयो।उहाँका अनुसार केही समय अगाडिसम्म सम्पर्क हुँदै आएकोमा बाक्लो हिमपातपछि नेपाल टेलिकमको टावरमा समस्या आएको हो। टावरमा खराबी आएपछि उत्तरी हुम्लाका सिमकोट र नाम्खा गाउँपालिकाका २३ वटा बस्तीका बासिन्दा सञ्चार सम्पर्कविहीन बनेका हुन्।