जेठ ९, काठमाडौं । रिभर फल्स पावर लिमिटेडको आईपीओ बाँडफाँट भएको छ । कम्पनीको विक्री प्रबन्धक प्रभु क्यापिटलको कार्यालयमा बाँडफाँट भएको हो ।
यस आईपीओमा २ लाख ५३ हजार ८९० जना आवेदकले गोलाप्रथाद्वारा १० कित्ताका दरले शेयर पाएका छन् । आईपीओमा कुल १८ लाख ५ हजार ४४० जना योग्य आवेदक थिए भने ३ हजार ८१९ जना आवेदकले आवेदन रद्द भएको क्यापिटले जानकारी दिएको छ । आवेदकले विक्री प्रबन्धक प्रभु क्यापिटलको वेबसाइट र मरो शेयरबाट आईपीओ नतिजा हेर्न सक्नेछन् ।
कम्पनीले सर्वसाधारणमा प्रतिकित्ता १०० रुपैयाँ अंकित दरको २७ लाख ३० हजार कित्ता शेयर विक्री खुला गरेको हो । कुल कित्तामध्ये २ प्रतिशत अर्थात् ५४ हजार ६०० कित्ता कर्मचारीका लागि सुरक्षित गरिएको छ भने ५ प्रतिशत अर्थात् १ लाख ३६ हजार ५०० कित्ता सामूहिक लगानी कोषमा बाँडफाँट गरी सकिएको छ । बाँकी २५ लाख ३८ हजार ९०० कित्ता शेयर भने सार्वजनिक निष्कासनमा आएको हो ।
हाल संस्थापकतर्फ ५१ प्रतिशत बराबरको ३५ करोड ७० लाख रुपैयाँ चुक्तापूँजी कायम रहेको कम्पनीको सर्वसाधारणमा आईपीओ जारी पश्चात यो पूँजी ७० करोड रुपैयाँ पुगेको छ ।
