बेलायतका प्रधानमन्त्री बोरिस जोनसनले बेलायत र उनका सहयोगी देशले रुसको कारवाहीको निर्णायक जवाफ दिने बताएका छन् ।प्रधानमन्त्री बोरिस जोनसनले उनी युक्रेनमा जे भइरहेको छ आफू त्यसमा हैरान भएके बताएका छन् ।उनका अनुसार रुसका राष्ट्रपति भ्लादिमिर पुटिनले कुनै कारण बिना हमला सुरु गरेर रगत बगाउने र विनासको बाटो रोजेका छन् ।बोरिस जोनसनले आफूले युक्रेनका राष्ट्रपतिसँग कुराकानी गरेको र रुसको यो कारवाहीमा कस्तो जवाफ दिने भनेर आफ्ना सहयोगीसँग विचार विमर्श गरेर निर्णय लिइने बताएका छन् ।
