अधिकांश किसानले व्यापारीलाई सस्तोमा धान बिक्री गरिसकेपछि बल्ल खाद्य व्यवस्था तथा व्यापार कम्पनी लिमिटेडले धान किन्न थालेको छ। खाद्यले मधेश प्रदेशको जनकपुर, लहान र वीरगन्जबाट पुस २८ देखि धान खरिद गरिरहेको छ। सरकारले सोना मन्सुली धान प्रतिक्विन्टल २ हजार ९ सय २ रुपैयाँ तोकेको छ। तर, स्थानीय किसानले व्यापारीलाई प्रतिक्विन्टल १ हजार ५ सयदेखि १८ सयसम्ममा बिक्री गरेका थिए।
सरकारले समयमै जानकारी नदिँदा व्यापारीलाई सस्तोमा धान बेच्नुपरेको महोत्तरी लोहारपट्टि–६ कविलासाका किसान पुरन साहले बताए। ‘धान काटेको केही महिन...