काठमाडौं (अस) । एभरेष्ट बैंकले कर्णाली प्रादेशिक अस्पताललाई सहयोग गरेको छ । बैंकले अस्पताललाई मेडिकल उपकरण सहयोग गरेको हो । त्यस्तै कर्णालीकै कोपिला भ्याली स्कुलका विद्यार्थीलाई झोला वितरण गरिएको बैंकले जानकारी दिएको छ । एभरेष्ट बैंकका प्रमुख कार्यकारी अधिकृत सुदेश खालिङले सहयोग सामग्री हस्तान्तरण गरेका हुन् ।
बैंकले बुटवलको लक्ष्मी पार्कमा केही महीनाअघि निर्माण गरेको शौचालय पनि हस्तान्तरण गरिएको जानकारी दिएको छ । पार्कमा घुम्न आउने पर्यटकको सुविधाका लागि उक्त शौचालय निर्माण गरिएको थियो । बैंकले आफ्नो संस्थागत सामाजिक उत्तरदायित्व अन्तर्गत विभिन्न सामाजिक काममा सघाउँदै आएको छ ।
