पोखरा महानगरपालिकाले स्थापना गरेको कोरोना भाइरस रोकथाम, नियन्त्रण तथा राहत कोषमा हालसम्म करिब ३ करोड ७८ लाख ३५ हजार ३ हजार ९१ रुपैयाँ जम्मा भएको छ । कोभिड–१९ न्यूनीकरण तथा प्रभावितलाई राहत प्रदान गर्न महानगरले २ करोड जम्मा गरेर सो कोष स्थापना गरेको थियो ।
कोषमा महानगरका सम्पूर्ण कर्मचारीका तर्फबाट ४८ लाख ५० हजार रुपैयाँ, प्रदेश सरकारको १ करोड रुपैयाँ र विभिन्न सार्वजनिक तथा निजी संघ–संस्था, व्यक्तिलगायतबाट गरी आजसम्म सो रकम संकलन भएको र रकम आउने क्रम जारी रहेको महानगर प्रमुख मानबहादुर जिसीले बताए । त्यसैगरी ३ लाख रुपैयाँबराबरको खाद्यान्न पनि सहयोगस्वरुप प्राप्त भएको महानगरले जनाएको छ ।