प्रदेश १ को संसद अधिवेशन अन्त्य गर्न सिफारिस

विराटनगर : प्रदेश १ को  मन्त्रिपरिषद्को बैठकले प्रदेशसभाको चालू अधिवेशन आज (सोमबार) राति १२ बजेदेखि अन्त्य गर्न प्रदेश प्रमुखसमक्ष सिफारिस गर्ने निर्णय गरेको छ।आज बसेको प्रदेश मन्त्रिपरिषदको बैठकले प्रदेशसभाको आठौं तथा बजेट अधिवेशन अन्त्य गर्न प्रदेश प्रमुख सोमनाथ अधिकारीसमक्ष सिफारिस गरेको मुख्यमन्त्रीका प्रेस सल्लाहकार धुर्व सुवेदीले जानकारी दिए।तर प्रदेशसभाका सभामुख प्रदीपकुमार भण्डारीले आज बसेको प्रदेशसभा बैठक भोलि १ बजे बस्ने गरी स्थगित गरेका थिए।