जिल्लाको प्रमुख पर्यटकीय गाउँ हेलम्बुको विकट गाउँमा सुविधा सम्पन्न बर्थिङ सेन्टर स्थापना गरेसगै सेवाग्राही बढेका छन् । हेलम्बु गाउँपालिका वडा नं. ७ ईचोकमा भिडियो एक्सरे सहितको बर्थिङ सेन्टरबाट सेवा पाएपछि महिलाहरु खुशी भएका हुन् ।
गाउँमै विषेश सुविधा पाएपछि हेलम्बुको ईचोक बर्थिङ सेन्टरमा सुत्केरी गराउनेको संख्या ह्वातै बढेको छ । भिडियो एक्सरे, २४ सै घण्टा स्वास्थ्यकर्मीको व्यवस्था र गाउँपालिकाको विषेश आर्थिक सहयोग, एम्बुलेन्स सुविधा लगायतको व्यवस्थाले गाउँका महिलाहरु सुत्केरी गराउन बर्थिङ सेन्टरमा आउन थालेका हुन् ।