वैशाख २७, काठमाडौं । प्रधानमन्त्री केपी शर्मा ओली विश्वासको मत पाउन असफल हुनुभएको छ । जसअनुसार उहाँ पदमुक्त हुनुभएको छ ।
प्रतिनिधि सभाबाट सोमवार भएको विश्वासको मत लिने प्रस्ताव बहुमतले अस्वीकृत भएपछि प्रधानमन्त्री ओली स्वतः पदमुक्त हुनुभएको हो । समाचार स्रोतका अनुसार प्रधानमन्त्रीलाई विश्वासको पक्षमा ९३ मत मात्र परेको छ ।
प्रधानमन्त्री ओलीको विपक्षमा प्रमुख प्रतिपक्षी नेपाली कांग्रेस, नेकपा माओवादी केन्द्र, जनता समाजवादी पार्टीको उपेन्द्र यादव पक्ष, राष्ट्रिय जनमोर्चा र नेपाल मजदूर किसान पार्टीका सांसदहरूले मत दिएका थिए।
प्रम ओलीले विसं २०७४ साल फागुन २७ गते गठबन्धन सरकारका रुपमा विश्वासको मत प्राप्त गर्नु भएको थियो । प्रधानमन्त्रीले विश्वासको मत नपाएसँगै अब नयाँ सरकार गठनको प्रक्रिया शुरु हुने छ ।
यसैवीच, बैठक आगामी वैशाख ३० गतेसम्मका लागि स्थगित भएको छ । सभामुख अग्नि प्रसाद सापकोटाले बैठक स्थगित गरेका हुन् । विश्वसको मत लिन असफल भएपछि प्रधानमन्त्री ओलीको सरकार काम चलाउ भएको छ ।
प्रमले राखेको विश्वासको मत प्रस्तावमा मतदानको परिणाम :
उपस्थित- २३२
पक्षमा -९३
विपक्षमा- १२४
मत दिन्नँ- १५
नतिजा - प्रस्ताव असफल
