गोरखा–२ : सय वर्षे उम्मेदवारसँग आशीर्वाद लिन घरमै पुग्नुभयाे ‘कान्छा उम्मेदवार’ अब्दुस मियाँ

गोरखा – गोरखा क्षेत्र नम्बर २ मा नेपाली कांग्रेस (वीपी) पार्टीका उम्मेदवार टीकादत्त पोखरेलले आज सोमवार सयौँ जन्मदिन मनाउनुभयो । परिवारका सदस्यसहित छरछिमेक र आफन्तको चाँजोपाँजोमा पोखरेलको पुर्ख्याैली घर सिरानचोक गाउँपालिका ४ छोप्राकको माझगाउँबेसीमा जन्मोत्सव कार्यक्रम गरिएको हो । घरआँगनमा बिहानैदेखि छरछिमेक र आफन्तको आउजाउ चलिरहेको थियो, पाहुनाका लागि खानपानको प्रबन्ध पनि मिलाइएको थियो ।  विसं १९८० कात्तिक १४ गते जन्मिनुभएका पोखरेल आफूलाई घरमै भेट्न पुगेका पाहुनाको स्वागतसँगै शुभकामना सन्देशसहित मोबाइलमा...