प्रतिकूल मौसमले गर्दा शे - फोक्सुण्डो घुम्न आएका पर्यटकलाई सास्ती

कात्तिक २, जाजरकोट ।प्रतिकूल मौसमका कारण स्थलमार्ग र हवाई मार्ग प्रभावित भएपछि डोल्पाकोे फोक्सुण्डो घुम्न आएका पर्यटकलाई सास्ती भएको छ । निरन्तर वर्षाका कारण मौसम बिग्रिएपछि हवाई उडान प्रभावित भएका कारण दशैंको विदामा डोल्पाकोे शे - फोक्सुण्डो घुम्न आएका पर्यटकलाई घर फर्कन समस्या भएको डोल्पाको जुफाल विमानस्थलस्थित त्रिपुरा होटलका सञ्चालक बालकृष्ण डाँगीले बताए । मौसममा आएको प्रतिकूलताले बाक्लो हुस्सुका कारण हवाई उडान प्रभावित बनेको जुफाल विमानस्थलको कार्यालयले बताएको छ । अहिले आन्तरिक तथा बाह्य पर्यटकका कारण होटल भरिभराउ भएका छन् । स्थल मार्गबाट डोल्पा पुग्ने पर्यटकको मुख्य रोजाई शे - फोक्सुण्डो, जुफाल र उपल्लो डोल्पाको विभिन्न धार्मिक तथा पर्यटकीयस्थल पर्दै आएका छन् । दैनिक ४० भन्दा बढी पर्यटकलाई आफूले होटलमा व्यवस्थापन गर्दै आएको सञ्चालक डाँगीले बताए। यो मौसम डोल्पा घुम्नका लागि सबैभन्दा उत्कृष्ट रहेको उनले बताए । शे - फोक्सुण्डो राष्ट्रिय निकुन्ज सुलिगाडका अनुसार दिनमा १०० भन्दा बढी पर्यटक फोक्सुण्डो तालतिर जाने गरेका छन् । मंसिरदेखि हिमपात शुरु हुने भएकाले अहिले समयमा उपल्लो डोल्पामा घुम्ने पर्यटकका लागि उपयुक्त समय मानिन्छ । पछिल्लो समय पर्यटन क्षेत्रलाई ध्यानमा राखेर डोल्पामा सुविधासम्पन्न होटल खुल्ने क्रम बढ्दो रहेको पत्रकार रामचन्द्र न्यौपानेले बताए। हवाई मार्ग भन्दास्थल मार्ग हुँदै डोल्पा जानेको सङ्ख्या बढी रहेको छ । रासस

पूर्ण विवरण

सम्बन्धित सामग्री

म्याग्दी खण्डको काम सुस्त, पर्यटकलाई सास्ती

बेनी–जोमसोम–कोरला सडक आयोजनाअन्तर्गत म्याग्दी खण्डको काम सुस्त गतिमा अघि बढेको छ । पटक–पटक म्याद थप्दा पनि निर्माण कम्पनीले उपकरण र जनशक्ति न्यून परिचालन गरेर काम समयमै सम्पन्न नगर्दा सडक जोखिमपूर्ण बनेको छ । मुस्ताङ खण्डको तुलनामा म्याग्दी खण्डको प्रगति नगन्य छ । बेनी–जोमसोमको ७६ किलोमिटर लामो सडक चार खण्डमा कामअघि बढाएको थियो । भौतिक पूर्वाधार […]

कारोबार दैनिक कार्तिक २०७९

भक्तपुर-नगरकोट मुख्य सडक बन्द, सर्वसाधारण र पर्यटकलाई सास्ती

भक्तपुर–नगरकोट सडक खण्ड सैलुङ कन्स्ट्रक्सन–एआइपिएल (आरामाली इन्फ्रा पावर लिमिटेड) जेभीले २०७१ जेठ २२ मा सम्झौता गरी २०७३ साल कात्तिक ४ गते सडक निर्माण सम्पन्न गर्ने गरी ठेक्का सम्झौता गरेर काम सुरु गरे पनि ८० प्रतिशत काम सकेर कालोपत्र, नाली, पर्खाल निर्...

नागरिक दैनिक आश्विन २०७९

भक्तपुर नगरकोट मुख्य सडक बन्द, सर्वसाधारण र पर्यटकलाई सास्ती

भक्तपुर, १५ कात्तिक । निर्माण सुरु भएको आठ वर्षसम्म पनि सम्पन्न नगरेको भन्दै भक्तपुर नगरकोट मुख्य सडकका बासिन्दा र नगरकोटका पर्यटन व्यवसायीले दुई दिनदेखि त्यहाँको बन्द गराएका छन् । नेपालको प्रमुख पर्यटकीय गन्तव्यका रुपमा चिनिँदै आएको पर्यटकीयस्थल नगरकोट जाने मुख्य सडक निर्माण अलपत्र पारेर निर्माण कम्पनीले स्थानीय बासिन्दा र व्यवसायीलाई निकै सास्ती दिएको भन्दै छिटो […]

Reporters Nepal आश्विन २०७९

सडक निर्माणमा ढिलासुस्ती हुँदा पर्यटकलाई सास्ती

म्याग्दी- म्याग्दीस्थित गण्डकी प्रदेशकै प्रमुख पर्यटकीयस्थल घोडेपानी जोड्ने पोखरेबगर–घोडेपानी सडक निर्माणमा भएको ढिलासुस्तीले पर्यटक र स्थानीयवासीलाई सास्ती भएको छ ।कालोपत्र, ढलान र ग्राभेल गरेर स्तरोन्नति गर्ने लक्ष्यसहित चार वर्षअघि सुरु भएको सडक निर्माण कार्य अधकल्चो र अधुरो बनेको छ । तत्कालीन राष्ट्रिय पुनःनिर्माण प्राधिकरणले विसं २०७५ मंसिरमा सुरु गरेको १८ किलोमिटर ५४० मिटर दुरीको अन्नपूर्ण […]

कारोबार दैनिक फाल्गुन २०७८

दूरसञ्चार सेवा अवरुद्ध हुँदा तीर्थयात्री र पर्यटकलाई सास्ती

फुङ्लिङ । विगत तीन दिनदेखि परेको अविरल वर्षासँगै ताप्लेजुङको दूरसञ्चार सेवा अवरुद्ध भएको छ । नेपाल टेलिकमबाट प्रवाह हुने ल्याण्डलाइन, इन्टरनेट र मोबाइल सेवा मङ्लबारदेखि अवरुद्ध भएको हो । दूरसञ्चार सेवा अवरुद्ध हुँदा सेवाग्राही समस्यामा परेका छन् । यसैगरी सेवा अवरुद्ध हुँदा अविरल वर्षासँगै आएको बाढीपहिराको क्षति सङ्कलन तथा उद्धारमा समेत कठिनाइ भइरहेको बताइएको छ […]

Prashasan आश्विन २०७८

मुस्ताङ भ्रमणमा निस्किएका पर्यटकलाई सास्ती

म्याग्दी । मुस्ताङ भ्रमणमा आएका पर्यटकले सास्ती खेप्नुपरेको छ । चार दिनसम्म परेको अविरल वर्षाको कारण बेनी–जोमसोम सडकखण्ड अन्तर्गत पर्ने म्याग्दीको रघुगंगा गाउँपालिका–३ को राहुघाटको पहिरो, अन्नपूर्ण गाउँपालिका–३ को काभ्रेभिर पहिरो र मुस्ताङको मार्फा खोलामा आएको बाढीको कारण घण्टौंसम्म सडक अवरुद्ध हुँदा पर्यटक, यात्रु र स्थानीयवासी मारमा परेका हुन् । दशैंको टीकाको दिनदेखि नै म्याग्दी हुँदै मुस्ताङको भ्रमणमा दैनिक २ हजारदेखि ३ हजारे संख्यामा पर्यटक भित्रिएका छन् । राहुघाटमा सडकमाथिबाट खसिरहने पहिरो र हिलाम्मे सडकका कारण अधिकांश सवारीसाधन सडकमै फस्ने समस्याले यात्रुले घण्टौंसम्म जामको सामना गर्नुपरेको छ । मुस्ताङबाट फर्किएका चितवनका हरि सापकोटाले राहुघाटको पहिरोको जाममा ४ घण्टासम्म कुर्नुपरेको बताए । राहुघाटमा तीन दिनयता घण्टौंसम्म सवारीसाधनको एक किलोमिटर लामो जाम हुने गरेको छ । राहुघाटको पहिरोले बेनी–जोमसोम सडक हुँदै मुस्ताङको भ्रमणमा जाने पर्यटकका साथै म्याग्दीको रघुगंगा गाउँपालिका र अन्नपूर्ण गाउँपालिकाका स्थानीयवासीलाई जिल्ला सदरमुकाम बेनी आवतजावत गर्न सास्ती भएको छ । राहुघाट र काभ्रेभीरको पहिरोमा यात्रुलाई सहजीकरण गर्न प्रहरी नियमित रूपमा खटिएका छन् भने सडकलाई नियमित सञ्चालनमा ल्याउन सम्बन्धित निर्माण कम्पनीलाई ताकेता गरिएको छ । यद्यपि यसमा निर्माण कम्पनीले बेवास्ता गरेको म्याग्दीका प्रहरी नायब उपरीक्षक श्यामकुमार राईले बताए । ‘राहुघाट पहिरो पन्छाउन सडक निर्माण गर्ने ठेकेदारलाई ताकेता गर्दा पनि सम्भव भएको छैन, अहिले प्रहरीले नै यात्रुलाई सहजीकरण गर्ने काम गरेको छ,’ उनले भने, ‘तर प्रहरीको प्रयासले मात्रै सडक सहज बनाउन सम्भव छैन ।’ त्यसैगरी मुस्ताङको मार्फा खोलामा आएको बाढीले सवारीसाधन वारपार गर्ने अस्थायी पुल पुरेको छ । पुल पुरिएपछि सुरक्षाकर्मी र स्थानीयवासीको सहयोगमा सवारीसाधन वारपार गराउँदा पर्यटकले घण्टौंसम्म जामको सामना गर्नुपरेको नेपाल पत्रकार महासंघ मुस्ताङका सचिव सुशील थकालीले जानकारी दिए ।

Aarthik Abhiyan आश्विन २०७८

मुस्ताङ भ्रमणमा निस्किएका पर्यटकलाई सास्ती

म्याग्दी : दशैँको अवसरमा हिमालपारीको जिल्ला मुस्ताङ भ्रमणमा आएका पर्यटकले सास्ती बेहोर्नुपरेको छ।चार दिन परेको अविरल बर्षाका कारण बेनी–जोमसोम सडकखण्डअन्तर्गत पर्ने म्याग्दीको रघुगंगा गाउँपालिका–३ को राहुघाटको पहिरो, अन्नपूर्ण गाउँपालिका–३ को काभ्रेभीर पहिरो र मुस्ताङको मार्फा खोलामा आएको बाढीले घण्टौं सडक अवरुद्ध हुँदा पर्यटक, यात्रु र स्थानीयले सास्ती बेहोरेका हुन्।टीकाको दिनदेखि नै म्याग्दी हुँदै मुस्ताङको भ्रमणमा दैनिक २ देखि ३ हजार पर्यटक

थाहा खबर आश्विन २०७८

प्रतिकूल मौसमका कारण फोक्सुण्डो घुम्न आएका पर्यटकलाई सास्ती

प्रतिकूल मौसमका कारण स्थलमार्ग र हवाई मार्ग प्रभावित भएपछि डोल्पाको फोक्सुण्डो घुम्न आएका पर्यटकलाई सास्ती भएको छ ।

HamraKura आश्विन २०७८

प्रतिकूल मौसमका कारण फोक्सुण्डो घुम्न आएका पर्यटकलाई सास्ती

प्रतिकूल मौसमका कारण स्थलमार्ग र हवाई मार्ग प्रभावित भएपछि डोल्पाको फोक्सुण्डो घुम्न आएका पर्यटकलाई सास्ती भएको छ ।

HamraKura आश्विन २०७८

मौसम बिग्रदा फोक्सुण्डो जाने पर्यटकलाई सास्ती

जाजरकोट– दशैँ र तिहारको बीचमा डोल्पाको फोक्सुण्डो घुम्न जाने पर्यटकलाई सास्ती भएको छ । स्थलमार्ग, हवाइ मार्गमार्फत डोल्पामा घुम्न जाने पर्यटकलाई मौसममा आएको खराबीले समस्या ल्याएको डोल्पाको जुफाल विमानस्थलस्थित त्रिपुरा होटलका सञ्चालक बालकृष्ण डाँगीले बताए । दुई दिनदेखि हवाइ रुटमा मौसम खराब भएकाले बीच बाटोबाट फर्कनु परेको समिट एयरका स्टेशन म्यानेजर पूर्णजंग शाहीले बताए । […]

Khabarhub आश्विन २०७८