काठमाडौं उपत्यकाबाट लागु औषध कारोबार गरेको आरोपमा २२ जनालाई प्रहरीले पक्राउ गरेको छ । डाइलेक्स डिसी र खैरो हेरोइन सहित २२ जनालाई पक्राउ गरिएको लागुऔषध नियन्त्रण ब्यूरोका एसएसपी विकाशराज खनालले रातोपाटीलाई बताए । पक्राउ पर्नेमा ४ जना महिला छन् । ब्यूरोले १ हजार १८० बोतल डाइलेक्स डिसी र ४५९ ग्राम खैरो हेराइन बरामद गरेको छ । खैरो हेरोइन जोख्न प्रयोग गरिने ४ वटा तराजु पनि बरामद गरिएको एसएसपी खनालले बताए । सो लागु औषध तरकारीको बोरामा लुकाएर सर्लाहीबाट ल्याएको अनुसन्धानबाट थाहा भएको छ ।