कालीकोट - मुगुबाट नेपालगञ्ज जाँदै गरेको बस दैलेखको आठबिसकोट नगरपालिका २ सिस्नेमा दुर्घटनामा हुँदा चार जनाको ज्यान गएको छ ।
म १ ख ६६० नम्बरको बस आठबिसकोटको सिस्ने भन्ने ठाउँको सडकबाट कर्णाली नदीमा खसेको हो । दुर्घटनामा आठ जना घाइते भएका जिल्ला प्रहरी कार्यालय दैलेखका प्रहरी प्रमुख भुवनेश्वरप्रसाद शाहले जानकारी दिनुभयो ।
दुर्घटनामा ज्यान गुमाउनेको पहिचान खुल्न सकेको छैन । थप विवरण आउन बाँकी छ ।