भदौ १, काठमाडौं । साताको तेस्रो कारोबार दिन मंगलवार बजार खुलेको साढे तीन घण्टाको अवधिमा पाँच ओटा कम्पनीको शेयरमा उच्च खरीद माग रहेको छ ।
उक्त अवधिमा कारोबारमा आएका २२० ओटा कम्पनीमध्ये हाइड्रोलेक्ट्रीसिटी इन्भेष्टमेण्ट एण्ड डेभलपमेण्ट कम्पनी (एचआईडीसीएल),एनएमबी फिप्टी,सानिमा इक्विटी फण्ड,सिटीजन्स म्युचुअल फण्ड - १ र नबिल ब्यालेन्स फण्ड -२ को इकाईमा उच्च खरीद माग रहेको हो ।
ती पाँच ओटा कम्पनीमध्ये सबैभन्दा बढी एचआईडीसीएलको ३९ लाख २ हजार ७०५ कित्ता खरीद माग रहेको छ । त्यसैगरी एनएमबि फिप्टीको ७ लाख ६५ हजार ९३१ इकाई खरीद माग रहेको छ ।
त्यस्तै सानिमा इक्विटी फण्डको ७ लाख ३६ हजा ६९१ इकाई, सिटीजन म्युचुअल फण्ड - १ को ६ लाख ६४ हजार ९५५ इकाई र नबिल ब्यालेन्स फण्ड - २ को ४ लाख ७० हजार ७०४ इकाईको लागि खरीद माग रहेको छ ।