काठमाडौं । जोन्टा क्लब काठमाडौंले ‘अन्तरराष्ट्रिय महिला दिवस र एलो रोज डे’को अवसरमा विभिन्न व्यक्तिलाई सम्मान गरेको छ । महिलाको सामाजिक, आर्थिक, सांस्कृतिक र राजनीतिक उपलब्धिमा योगदान पुर्याउने विभिन्न व्यक्तिलाई आइतवार सम्मान गरिएकोे संस्थाले जानकारी दिएको छ ।
संस्थाकी अध्यक्ष आभा शाहले समाजमा परिवर्तन ल्याउन योगदान दिने महिलालाई संस्थाले हरेक वर्ष अन्तरराष्ट्रिय महिला दिवस र एलो रोज डेको अवसरमा सम्मान गर्दै आएको र यस वर्ष पनि १२ महिलालाई विभिन्न अवार्डद्वारा सम्मान गरिएको बताइन् । संस्थाले यस वर्षको ‘राजकुमारी हेलेन शाह इन्स्पिरेशनल अवार्ड’ मीरा राईलाई प्रदान गरेको छ । त्यस्तै मुस्कान खातुनलाई ‘अमर राणा गेम चेन्जर अवार्ड’, सुष्मा तामाङ र सोनिका ढकाललाई ‘रत्नादेवी ओमेन इन स्पोटर््स अवार्ड’, विभूषा पाठक र समीक्षा खड्कालाई ‘ज्योति छात्रवृत्ति अवार्ड’ प्रदान गरेको छ ।
अञ्जनी पोखरेल र कलविना श्रेष्ठले ‘इन्द्रकला छात्रवृत्ति अवार्ड’ पाएका छन् । यस्तै ‘अन्सङ हिरोज अवार्ड’बाट सीता सुवेदी, निशा चौलागाईं, सुनिरा रेग्मी र पिंकी शितल गुरुङ सम्मानित भएका छन् । संस्थाले लैंगिक समानता र सामाजिक समावेशीकरणको प्रवर्द्धनमा महत्त्वपूर्ण भूमिका निर्वाह गर्ने पत्रपत्रिकाका व्यवस्थापक, सम्पादक तथा पत्रकारलाई पनि सम्मान गरेको छ, जसअनुसार न्यू बिजनेश एजका प्रधान सम्पादक मदन लम्साल, नागरिक दैनिकका प्रधानसम्पादक गुणराज लुइँटेल, अन्नपूर्णका प्रधानसम्पादक अखण्ड भण्डारी लगायत १५ जना सम्मानित भएका छन् ।
.jpg)
